पर्वत । सर्जक सागर सुनार रसाइलीको लोकगीत ‘मन मुटुमा’ पुनः नयाँ भिडियोसहित बजारमा आएको छ। यसअघि सार्वजनिक गरिएको गीत टेक्निकल समस्याका कारण हटाउनु परेको थियो । गित अब नयाँ र सुधारिएको भिडियोसहित युट्युबमार्फत पुनः सार्वजनिक गरिएको हो।
गीत सार्वजनिक भएपछिको प्रारम्भिक चरणमै प्राविधिक समस्याका कारण केही असहजता आए पनि अहिले ती सम्पूर्ण समस्या समाधान गरी नयाँ भिडियो अपलोड गरिएको कलाकार रसाइलीले जानकारी दिएका छन्। उनले यसअघि पनि दर्शक–श्रोताबाट राम्रो माया र साथ पाएको उल्लेख गर्दै, नयाँ भिडियोमा पुनः एकपटक हेरेर, सुनेर र साथ–समर्थन गरिदिन सबैमा आग्रह गरेका छन्।
लोकभावना, प्रेम र जीवनका यथार्थ पक्षलाई समेटिएको ‘मन मुटुमा’ गीतले दर्शक–श्रोतालाई फेरि एकपटक आकर्षित गर्ने विश्वास गरिएको छ। गीत गित कुलेन्द्र बिश्वकर्मा युट्युबमार्फत बजारमा आएको छ ।
गितमा सान्तीश्री परियार र अनिल बिकको स्वर र लय रहेको छ भने स्वयम सागर सुनार रसाइलीको शब्द रहेको छ ।
गितमा सागर सुनार रसाइली र स्मृति थापाको अभिनय देख्न सकिन्छ ।
