पर्वत । पर्वतको महाशिला गाउँपालिकामा वृहत निशुल्क स्वास्थ्य विशिर सञ्चालन गरिने भएको छ । प्रदेश स्वास्थ्य निर्देशनालय गण्डकी प्रदेश र महाशिला गाउँपालिकाको सयुक्त आयोजनामा वृहत स्वास्थ्य शिविर गर्न लागिएको महाशिला गाउँपालिकाका प्रवक्ता करणप्रताप गुरुङले जानकारी दिनुभयो ।
यहि फागुन २८ गते महाशिला आधारभुत अस्पतालमा सञ्चालन गरिने शिविरमा विशेषज्ञ डाक्टरबाट नसर्ने रोग उच्च रक्तचाप, मधुमेह, मृगौला रोगको जाँच तथा उपचार सेवा प्रदान गरी निशुल्क औषधी वितरण गरिने प्रक्वता गुरुङले बताउँनुभयो ।
शिविर महाशिला आधारभुत अस्पतालको प्राङ्गणमा विहान ८ बजे देखि १ बजे सम्म संचालन गरिने छ । शिविरमा सेवा लिन चाहने महाशिला बासीहरुलाई निशुल्क सवारी साधनको समेत व्यवस्था गरिएको छ । सवारी साधनका लागि आ—आफ्नो वडाका जनप्रतिनिधिलाई सम्पर्क गर्न सकिने गाउँपालिकाले जनाएको छ ।
४० वर्ष भन्दा माथिका गाउँपालिका बासी स्वास्थ्य शिविरमा सहभागि भई सम्बन्धित रोगको उपचार गराउँनुहुन गाउँपालिकाले सवैमा अनुरोध गरेको छ ।
