पर्वत । महाशिला गाउँपालिकाले गर्भवती महिलाहरूका लागि निशुल्क भिडियो एक्स- रे सेवा संचालन गर्ने भएको छ ।गाउँपालिकाले भदौ १६ गते देखि गाउँपालिका भित्र रहेका स्वास्थ्य चौकीहरुमा निशुल्क भिडियो एक्स- रे सेवा संचालन गर्न लागेको हो ।
गर्भवती र गर्भमा रहेको शिशुको अवस्था थाहा पाउन भिडियो एक्स-रे सेवा प्रदान गर्न लागिएको महाशिला गाउँपालिका स्वास्थ्य शाखा प्रमुख नर बहादुर बरालले जानकारी दिनुभयो । यो सेवाबाट गर्भवतीको अवस्था र शिशुको अवस्था पत्ता लाग्ने, उनीहरूको अवस्थामा समस्या रहेमा गाउँपालिकाकै स्वास्थ्य संस्था र जोखिम भए अन्यत्र रिफर गरिने उहाँले बताउनुभयो ।
गर्भवती महिलाहरुका लागि होश्राङ्दी स्वास्थ्य चौकीमा भदौ १६ गते,भोकसिङ्ग स्वास्थ्यमा चौकी भदौ १८ गते,बालाकोट स्वास्थ्य चौकीमा भदौ २० गते, पाखापानी स्वास्थ्य चौकीमा भदौ २३ गते, पाखापानी सा.स्वा. इकाई बाइकाठमा भदौ २५ गते र फलामखानी स्वास्थ्य चौकिमा भदौ २७ गते निशुल्क भिडियो एक्स- रे सेवा संचालन गर्ने स्वास्थ्य शाखा प्रमुख बरालले जानकारी दिनुभयो ।
