पर्वत । पर्वतको मोदी गाउँपालिकामा प्रथम गाउँपालिका अध्यक्ष कप एवम् पाचौं रास्ट्रपति रनिङ शिल्ड प्रतियोगिता शुरुभएको छ ।
नवजागृत बहुमुखी क्याम्पसको खेलमैदानमा आइतबारबाट शुरुभएको प्रतियोगिताको गण्डकी प्रदेश सभाका सदस्य भक्त कुवरले उदघाटन गर्नुएको हो ।
प्रतियोगितामा गाउँपालिका भित्रका १५ विद्यालयले सहभागिता जनाएका छन् । प्रतियोगिताको उदघाटन गर्दै कार्यक्रमका प्रमुख अतिथि गण्डकी प्रदेश सभाका सदस्य कुवरले खेलक्षेत्रको विकास र नयाँ प्रतिभाको पहिचान गर्न प्रतियोगिताले सहयोग पुग्ने विश्वास व्यक्त गर्नुभयो । उहाँले विद्यार्थीलाई अनुशासित बनाउन समेत खेलकुदले सिकाउने बताउँदै खेलाडीहरूले समाज, राष्ट्रका लागि योगदान गर्न सक्ने भएकाले विद्यार्थी उमेरदेखि नै खेलकुदमा सक्रिय हुन उहाँले अनुरोध गर्नुभयो ।
कार्यक्रममा जिल्ला समन्वय समिति पर्वतका प्रमुख विष्णुराम वि.क, प्रमुख जिल्ला अधिकारी हरी प्रसाद घिमिरे, जिल्ला समन्वय अधिकारी किरण पौडेल मोदी गाउँपालिका स्थित राजनितिक दलका प्रमुखहरुले मनतब्य राखेका थिए ।
गाउँपालिका अध्यक्ष हिरादेवी शर्माको अध्यक्षतामा सम्पन्न उदघाटन कार्यक्रममा स्वागत गाउँपालिका उपाध्यक्ष बिमल लामिछानेले र संचालन शिक्षा अधिकृत दिनेश शर्माले गर्नुभएको थियो ।
साथै सोही अवसरमा वडा नं ६ तिलाहारलाइ बालमैत्री स्थानीय शासनयुक्त तथा बाल श्रममुक्त वडा घोषणा गरिएको छ ।
आज देखि मंसिर १९ गते सम्म संचालन हुने प्रतियोगितामा पालिका स्तरीय पुरुष भलिबलसंगै विद्यालय स्तरीय विभिन्न प्रतियोगिता हुनेछन् ।
