पर्वत । पर्वत अस्पताल र नेपाल पत्रकार महासंघबीच मैत्रीपुर्ण फुटबल प्रतियोगिता सोमवार कुश्मामा सम्पन्न भएको छ ।
प्रदेश अस्पताल पर्वतको ३५ औँ बार्षिकोत्सवको अवसरमा आयोजित प्रतियोगितामा नेपाल पत्रकार महासंघ पर्वत शाखा बिजयी बनेको छ । प्रदेश अस्पताल पर्वतलाई ६–१ गोलको अन्तरले महासंघले उपाधि हात पारेको हो ।
महासंघको तर्फवाट गंगाबहादुर गुरुङले चार, गोविन्द रिजालले एक र राजन गुरुङले एक गोल गर्नुभएको थियो ।
पर्वत अस्पतालले ३५ औँ वार्षिकोत्सव आगामी बुधवार विभिन्न कार्यक्रम गरी मनाउने तयारी गरेको छ । बार्षिकोत्सवको अवसरमा खेलाडीहरुलाई ट्रफि, मेडल र प्रमाणपत्र वितरण गर्ने कार्यक्रम रहेको अध्यक्ष गिरीले जानकारी दिनुभयो ।
[sidebar name="After post"]
